Automen е можеби најчудното име за некој конвертер на видео формати но ова мало „чудо“ без проблем ја врши зададената задача. Сакате видео клиповите што сте ги симнале од YouTube да ги гледате на ТВ, но вашиот DVD/DivX плеер не поддржува .flv формат? Со оваа мала апликација конверзијата е лесна и безболна.
Најдоброто од се е дека е адаптирана и за корисници кои немаат многу искуство со видео едитирање. На пример, не мора да се заморувате со конкретни видео резолуции, одредета ја само ширината на видео форматот во која сакате да конвертирате и Automen сам ќе ја пресмета висината.
Automen нуди и еден куп други функции, како на пример: подесување на видео квалитетот, делење на видео клипот на неколку помали, спојување на повеќе клипови во еден, одделување на звукот од видеото, целосно искористување на брзината која ја нудат повеќејадрените процесори... и сето тоа бесплатно.
Навистина одлична апликација која може да ви стане редовна, ако често работите со видео формати.
