Сите кои имаат потреба на своите веб страни да претстават некои податоци преку визуелен приказ, односно да презентираат некои истражувања или било какви статистики преку интерактивни графикони најчесто треба да бараат помош од искусни програмери или напредни веб-дизајнери кои добро работат со Flash или слични решенија.
Tableu Public е едноставна солуција за оваа задача бидејќи не бара никакво претходно програмерско искуство или познавања од таа област, туку со лесна и интуитивна работа може да се добијат навистина убави и корисни дијаграми, графикони, графички прикази и сл. и најдобро од се, сите тие може да се направат интерактивни и едноставно да се „вметнат“ на една веб-страна.
Алатката работи едноставно, дури со “drag & drop”, а податоци може лесно да превземе од Microsoft Excel или Access, но и од разни текстуални датотеки и сл. Предноста на Tableu Public не треба многу да се објаснува особено на организации кои сакаат на своите веб-страници да објавуваат резултати од разни истражувања и сл. а само како потврда на квалитетот на оваа алатка да напоменеме дека едни од корисниците се UNESCO и Wall Street Journal.
