Microsoft Baseline Security Analyzer

Microsoft Baseline Security Analyzer алатката ги проверува компјутерите што работат со Microsoft Windows NT 4.0, Windows 2000, Windows XP или Windows 2003 Server дали се лошо конфигурирани по прашањето на сопствената безбедност, односно дали во нив има пропусти (неинсталирани закрпи, слаби лозинки, премногу администратори…) што овозможуваат да се импортира некој малициозен код (вирус/црв/тројан) способен да компромитира податоци, украде лични информации, го оштети инсталираниот хардвер и софтвер или да ја преземе комплетната контрола врз системот. Скенирањето со неа може да се изведува и локално и од далечина.

Во зависност од тоа колкаво искуство имате во работата со персоналните сметачи, прочитајте едно од следниве упатства за нејзина инсталација и ракување со неа:

• Упатство за почетници
- во кое процедурите се објаснети на едноставен начин и низ слики, при што освртот е даден на скенирање само еден (локален) компјутер и само преку графичкиот интерфејс на програмата. Претпоставка е дека на оние што допрва влегуваат во светот на сметачите, вмрежувањето и работата преку командната линија им се прилично непознати и комплицирани.
• Упатство за понапредни корисници
- во кое можностите на софтверот, неговите системски побарувања и забелешките се претставени само низ текст.