Добредојде во Анхоч!

Ние сме компанија која на своите клиенти секогаш се труди да им понуди:

• Разновидна понуда од областа на ИТ, Гејминг, Аудио и Видео опрема, производи кои ги исполнуваат сите стандарди на квалитет и најдобра цена на пазарот.
• Секојдневна техничка поддршка и сервис кој во секое време и на секое место ќе им излезе во пресрет на корисниците и e подготвен да одговори на предизвиците што ги носи брзиот развој на технологијата.
• Компјутерски системи согласно најновите светски трендови но и согласно специфичните барања на клиентите.
• Професионално обучен кадар кој е задолжен за современа и модерна и интерактивна презентација на сите експонати во нашите продажни салони.
• Продажна мрежа распространета низ цела Македонија.

 

Историјат

Анхоч е основана во далечната 1993та година.

 

Од самото основање главниот фокус на компанијата е ориентиран кон квалитетот и задоволството на потрошувачот за компетентна цена, така веќе во 2.000 та година, Анхоч полека но сигурно станува синоним за квалитет.

 

Во 2001ва за прв пат во Македонија, се појавуваат Бренд (Brand Name) компјутерски системи - Anhoch Altea и Anhoch Goliath.

 

Тие претставуваат револуција во Македонското ИТ општество, бидејќи за прв пат во Македонија се нудат системи со таков квалитет, гаранција и поддршка.

 

Сето ова во меѓувреме е пропратено со постепено зголемување на понудата, соработка со се поголем број на светски брендови и на тој начин веќе во 2003та година Анхоч започнува со отварање на првиот голем и модерен продажен салон – Анхоч ГТЦ.

 

Во 2007ма Анхоч го лансира и третиот сертифициран бренд систем под името Anhoch Pixio - ергономски мини дизајн со одличен квалитет.

Освен малопродажба, компанијата се фокусира и на Б2Б - директна продажба на бизниси од сите големини.
Во годините што следуваат Анхоч продолжува да расте и да ја проширува својата мрежа со новоотворени продажни салони и надвор од Скопје, односно низ целата држава.

 

Денес Анхоч брои над 20 продажни салони, кои се стратешки распространети низ територијата на цела држава.

Секој од овие продажни салони е опремен со современ дизајн и концепт и обезбеден со ексклузивна гејминг зона и посебна аудио соба дизајнирани специјално за љубителите на гејминг и аудио опрема.

 

Вкупниот број на вработени во компанијата изнесува над 200.

 

Во 2023та година, Анхоч веќе располага со повеќе од 80 различни брендови и преку 20.000 модели на најразлична ИТ, Гејминг, Аудио и Видео опрема како и огромен избор на смарт уреди.

 

Полека но сигурно, со многу труд и посветеност низ изминатите 30 години, Анхоч станува најголемата компанија токму за ИТ, Аудио, Видео и Гејминг опрема во Македонија.

 

Мисија и Визија

Нашата мисија е да ги задоволиме потребите на нашите клиенти со нудење на разновидни производи и услуги во областа на ИТ, Гејминг, Аудио и Видео опрема кои се високо квалитетни, современи и функционални.

 

Нашата цел е да бидеме прв избор за секој клиент кој бара квалитетна техничка поддршка, иновативни производи и пријатно искуство на купување.

 

Нашата визија е да продолжиме да растеме и да се развиваме, да ги надминеме очекувањата на нашите клиенти и да останеме секогаш уникатни и препознатливи по квалитетот и одличната услуга кои ги нудиме во секој сектор од нашата компанија.

 

Соработка со брендови

Богатиот и разновиден спектар на брендови и производи бара висок степен на флексибилност, и отвореност на постојани промени, поради тоа секогаш се стремиме да генерираме одржлив раст на бизнисот и да создадеме додадена вредност за нашите деловни партнери и за брендовите во нашето портфолио.

 

Соработуваме со преку 80 светски брендови, обезбедувајќи ги најдобрите производи на пазарот и оваа бројка е во постојан пораст.